Lokaverkefni lokaverkefni lokaverkefni á hug minn allan eða næstum því

Sælt veri fólkið.
Stefanía fór fram á meira blogg svo það er best að verða við því! Ég var að fá til baka fyrsta uppkast að ritgerðinni minni. Var í stresskasti út af þessu en nú líður mér mun betur og allt er þetta að komast á skrið. Ég get samt ekki líst því hvað ég á eftir að verða mikið mikið glöð þegar þessu verður aflokið. Vá maður.

Páskarnir voru nú bara dælígir hjá okkur mæðginum. Eggin heppnuðust bara frábærlega. Trixið var að nota olíuvaxliti frá Caran D´Ache. Dýfa svo í matarlit+edik. Það er alveg hægt að gera frábær listaverk með þessu einu saman.

Ég fór á árshátíð í borginni um síðustu helgi. Það var bara mjög fínt. Við gistum á hótel Íslandi og fórum á Með næstum allt á hreinu. Seinnipartinn fórum við í óvissuferð í Orkuveitu Reykjavíkur. Alfreð Þorsteins tók veglega á móti okkur og sýndi okkur húsakostinn og fræddi okkur um orkuveitur og virkjun ýmiskonar. Ákaflega fróðlegt og skemmtilegt.

Við pikkuðum Geir Jón (hinn eina sanna) upp á Hlemmi og urðum vitni að handtöku með annarri hendi/hringt á lögguna með hinni. Mjög fróðlegt það.

Á sunnudeginum fór ég svo í fermingarveislu hjá bróður mínum í Mosfellsbænum. Það var mjög gaman að hitta allt fólkið aftur eftir allt of langan tíma. Litli bróðir var yndislegur í alla staði. Kunni sko alveg að taka á móti gestum með handabandi .(Engin grásleppa þar á ferð sko)

Jæja ég verð að halda áfram með ritgerðina mína. Hún er alveg að komast í hús. Er komin með lágmarkið í lengdinni þannig að nú fer þetta allt að gerast. Mér finnst einhvern veginn svo gott að vera komin með fullt af efni. Frekar að henda út en hitt að vera að ströggla við að bæta við bara til að ná lágmarkinu í lengd.

Jæja lifið heil þar til næst.

P.s. mér finnst mjög gaman þegar einhver nennir að kommenta, só plís dú ðat :)