Dagur tvö í bloggi ;-)

Jæja, þá er dagur númer tvö í lífi mínu sem bloggari eða "annálaritari" runninn upp. Og ég er vakandi og ekki farin á taugum yfir þessu....Hér mun ég væntanlega tilkynna markverða atburði lífs míns og minnar fjölskyldu. Sennilega hvernig mér gengur að lesa skólabækur, hvort barnið er veikt eða eitthvað í þeim dúr! En kannski kemur það svo á daginn að bloggið hvetji mann til að skrá niður hugsanir og kenningar sem eru að brjótast um í þreyttum námskolli. Ég biðst hér með afsökunar á því að þetta snið leyfir engar athugasemdir við færslur mínar þannig að þið hafið engan mótmælarétt ef ég fer með einhverja vitleysu hér. En vonum að þetta verði bara ljúft og skemmtilegt. Góðar stundir!