Það þýðir svo ekkert að koma beint úr dalnum....

Elsku Matta frænka, ég tek ekki sénsinn á því að þú fáir enn meira ógeð á TOEFL færslunni minni. Þegar ég hugsa málið þá er ég eiginlega sjálf komin með ógeð á TOEFL hugtakinu. Hef sjaldan upplifað jafnmikla streitu eins og föstudaginn 18.mai 2007. En auðvitað þýðir ekkert að kenna TOEFL um það. Það var algerlega taugalíffræðilegt fyrirbæri. En góðu fréttirnar eru þær að líklega þarf ég ekkert að hafa áhyggjur af þessu fyrirbæri á næstunni þar sem skólinn leyfir mér náðarsamlegast að koma þrátt fyrir slef-einkunn (NB...ekki slæm einkunnn þó! Hehe)

Frökenin vældi út vinnu hjá mömmu sinni á Herjólfsafgreiðslunni til að eiga fyrir útgjöldum mánaðamótanna.Allt brjál, allir vilja koma á þjóðhátíð. Sem er gott! En maður er pínu þreyttur eftir daginn. Verð að viðurkenna það.

Nú er allt að gerast við skipulagningu fyrirhugaðarar námsdvalar. Pappírsvinna og skriffinnska fram og til baka. Hef sem betur fer komið mér upp persónulegum ráðgjafa í Englandi sem leiðbeinir mér með ótrúlegustu hluti og veitir mér andlegan stuðning auk þess að rakka niður enska málfræði, orðanotkun og stafsetningu í bréfunum sem ég þarf að skrifa. Sem betur fer...verð að segja það. Annars yrði allt vitlaust og maður myndi kannski móðga enskan mann og annan. Fjúkkett maður. Móðgaðist aðeins en kann samt að meta hjálpina. Hehe...

Svo er maður að tryllast yfir genginu....það er svo lágt þessa dagana. Sem er gott...

Þjóðhátið nálgast og búið að skipuleggja tjaldbúskap með Möttu frænku og fjölskyldu plús Siggu og mögulega Lottu frænku. Sem er allt gott...hehe...get varla beðið eftir brekkufundi og skiplagi.

Búin að skuldbinda mig í vinnu á mánudeginum frá kl 09.00 fram á nótt. Fannst frábært þegar móðir sagði þegar það kom upp:

Það þýðir svo ekkert að koma með bekkjarbíl beint úr dalnum í vinnu á mánudeginu, eins og einu sinni manstu!!! Úps....

Ekki meira að sinni! Lifið heil!