dægurflugur og loftkastalar

dramadrottningarinnar ævintýragjörnu

miðvikudagur, júní 06, 2007

TOEFL

...niðurstaðan er komin í hús og það þremur dögum fyrir áætlaðan tíma! Frökenin hefði getað sparað sér niðurbrotið sjálfstraust í tæpar þrjár vikur. Svona er þetta svart á hvítu: 102/120 (sem er ótrúlega hátt miðað við áðurnefnda tímabundna lestrarörðugleika, athyglisbrest og almenna taugaveiklun og tímaskort), reyndar er markið 105/120 en það er bara spurning hvort að þeir sleppi taugahrúgunni inn með það eða sendi hana á smá námskeið áður en eiginlegt nám hefst og það hljómar ótrúlega vel í hennar eyrum. Ég held að það komi manni alveg til góða að fara á svoleiðis. En alla vega þá stefnir allt í að frökenin setjist á skólabekkinn langþráða í landi englanna í haust og einkasonurinn með að sjálfsögðu! Ég tek við hamingjuóskum í síma, sms eða tölvupósti, nú eða þá í athugasemdakerfinu hér að neðan...hehe...Anyways, ég ætla að hitta skötturnar í kvöld á Kaffi Kró. Það verður alveg ábyggilega ljúft eins og alltaf! Lifið heil!

þriðjudagur, júní 05, 2007

Sílikon og grátur

Ég fór í andlitsbað í gær. Hér er áhugaverð athugasemd sonar míns (ég vona að þetta særi ekki blygðunarkennd lesenda...hehe):
Hann faðmar mig fast og skoðar andlit mitt gaumgæfilega. Spyr mig svo hvar ég hafi verið. Ég segi honum að ég hafi farið í andlitssnyrtingu. Ókei, ég skil, mikið ertu sæt! Hikar svo andartak og kreistir á mér brjóstin. Spyr svo mjög sakleysislega: léstu setja sílikon hérna í leiðinni?

Mér tókst að fá þrjá fyrstubekkinga til að bresta í grát í morgun! Ég get svo svarið að það var alveg óviljandi!

sunnudagur, júní 03, 2007

Gönguskór, rigningarþoka sem skapar þrá eftir samviskusnakki...

Keypti mér gönguskó í gær. Virka fínt fyrir utan það að miðtærnar á vinstri fætinum virðast alltaf verða fyrir aðkasti, sama hvernig skó ég fæ mér. En það venst vonandi!
Helgin hefur verið viðburðasnauð með afbrigðum. Mig langar í 'samviskusnakk' með Kela, Kiddu, Gísla, Brian, Eduardo, Ásgeiri, Gústa o.fl. þegar veðrið er eins og það var í dag; þoka og rigning. Minnir mig alltaf á þessa dásemdartíma og Þjóðhátíð. Ég komst alveg í Þjóðhátíðarstemmningu í dag þegar við mæðginin fórum í gönguferð í rigningarþokunni!

Ég hef voðalega lítið að segja í augnablikinu. Bíð eftir að skólanum ljúki og við taki sumarleyfið sem ætti að veita manni þarfa slökun og skemmtun. Er enn í svartsýniskast út af málefnum komandi hausts en það skýrist um það leyti sem ég lendi á Kastrup. Einstök tímasetning! Og þá verður það annað hvort fúlheit eða brjálað stress að undirbúa allt með hraði! Kemur í ljós!

Gerði ekki neitt um sjómannahelgina þrátt fyrir að vera fyrrverandi hetja hafsins...hehe...ef svo má að orði komast! Langaði á ball en var svo einmana að ég sleppti því. Allir uppteknir í öðru en mér (frekar erfið staðreynd!).

Ég læt þetta duga úr þokunni og rigningunni á Eyjunni fögru. Lifið heil!

Ps. ég er eiginlega í smá pásu í íslensku bloggi, blogga núna bara á ensku á ensku síðunni minni! Maður verður nú að æfa sig. Þið megið alveg kíkja á hana ef þið viljið...