nýtt ár

Heja alle sammen og leyfist mér að óska ykkur gleðilegs árs. 'Eg vona að jólahátíðin hafi verið öllum sem ljúfust og að nýja árið leggist vel í ykkur. Ég er núna stödd í borginni til að læra svolítið. Ekki veitir nú af að hressa þessar fáu sellur sem eru vakandi eftir síðustu önn. Nýja árið leggst bara ótrúlega vel í mig. Staðlotan hefur verið þrælskemmtileg og mér líður bara vel. Var reyndar svekkt að missa af þrettándanum í eyjum með syni mínum en við ætlum að halda litlu jólin á laugardaginn. Bara vegna þess að mamma missti af þrettándanum og vissulega verður allt jóladót enn uppi við þegar hún kemur heim. Þannig að ég spyr hvers vegna ekki að nota tækifærið og teygja aðeins úr þessu. Bara við tvö. Ég held að það geri ekkert til. Ég man hvað ég var alltaf döpur þegar þrettándagleðinni var lokið og við tók blákaldur raunveruleiki án skrautljósa og stemmningar. En jæja það er líklega ástæðan fyrir því að ég hef samþykkt þessi auka jól.
Hvað er annars að frétta? Jú, allar einkunnir nema tvær eru komnar í hús og er himinlifandi yfir þeim. Sérstaklega útikennslunni þar sem ég sló mitt eigið met og fékk 9,5 ( ég er ekki neitt roggin, eða þannig (ekki misskilja mig ég vil bara deila þessu með ykkur því ég veit að þið hafið svo miklar áhyggjur ;). Ég féll líka alveg fyrir námsefninu þar. Ég sé nefnilega son minn svo fyrir mér í svona námi. Þannig að þá finnst mér allt frábært, ef það gagnast honum eða þannig!.
Jæja ég verð að fara. Tíminn er að fara að byrja. Heyrumst seinna.